Agron Demi flet me emra: Në këtë qeveri, janë tre ministra/e që e meritojnë postin e tyre
Drejtori i Institutit për Hulumtime të Avancuara (GAP), Agron Demi, ka thënë se në Qeverinë Kurti janë tre ministra që e meritojnë postin e tyre, përcjell ‘Kosova Sot Online”.
Demi ka folur me emra dhe arsye se pse Artane Rizvanolli, Faton Peci e Albulena Haxhiu kanë arsyetuar pozitat e tyre ministrore në Qeveri.
Në anën tjetër, Demi ka shkruar edhe emrat e ministrave që sipas tij duhet shkarkuar nga detyrat shumë kohë më parë.
Postimi i plotë:
Në këtë qeveri, janë tre ministra/e që e meritojnë postin e tyre:
- Ministrja Ekonomisë, znj.Artane Rizvanolli;
- Ministrja e Drejtësisë, znj.Albulena Haxhiu;
- Ministri i Bujqësisë, z.Faton Peci.
Të tre këta kanë qenë aktiv në aprovimin e legjislacionit e strategjive, inicimin e reformave në fushat e tyre, raportimin e rasteve korruptive, përmirësimin e skemave të subvencioneve, përkushtim më të madh kundër dhunës në familje, programe për efiçiencë të energjisë e energji të ripërtëritshme...
Ministrat që ish dashtë me u largu moti nga postet e tyre:
- Ministri i Financave, z.Hekuran Murati;
- Ministrja e Arsimit, znj.Arbërie Nagavci;
- Ministri i Shëndetësisë, z.Arben Vitia;
- Ministrja e Tregtisë, znj.Rozeta Hajdari;
- Ministrja e Punëve të Jashtme, znj.Donika Gërvalla;
- Ministri i Ingrastrukturës, z.Liburn Aliu.
Këta ministra kanë dështu në reformin e skemave sociale, reformat në arsim e shëndetësi, rënie rekorde e investimeve kapitale, izolim ndërkombëtar e mungesë njohjesh, kaos në regjistrimin e buzneseve e mungesë totale e komunikimit mes sektorit publik dhe privat.
Ministrat që nuk e di çfarë bëjnë dhe për punën e të cilëve nuk kam naj vlerësim:
- Ministri i Kulturës, z.Hajrullah Çeku;
- Ministri i Mbrojtjes, z.Ejup Maqedonci;
- Ministri i Zhvillimit Rajonal, z.Fikrim Damka;
- Ministri i Kthimit, z.Nenad Rashiç
- Ministri i Pushtetit Lokal, z.Elbert Krasniqi.
- Ministri i Brendshëm, z.Xhelal Sveçla.
Por me një qeveri kaq të dështuar, fajin kryesorë e mbanë Kryeministri.
(Kosova Sot Online)