Lexoni edhe:
Presidentja Osmani për Ushtrinë e Kosovs: Të ndërtohet spitali ushtarak për të ju ofruar shërbime policëve , ushtarëve dhe familjeve të tyre
Vazhdojnë vdekjet misterioze të njerëzve më të afërt të Putinit, përfaqësuesi i dumës ruse bie nga dritarja e një shtëpie
Vladimir Egorov, një aleat i presidentit rus Vladimir Putin, u gjet i vdekur të mërkurën, sipas mediave shtetërore ruse. Përfaqësuesi i Dumës së qytetit Tobolsk Egorov (46), një anëtar i partisë në pushtet të Putinit “Rusia e Bashkuar”, ra nga dritarja e katit të tretë të një shtëpie në rrugën Kedrovaya në Tobolsk, Tyumen Oblast, kanali rus Telegram Baza, i cili është i lidhur me Shërbimet ruse të sigurisë, raportoi Newsweek, transmeton "Kosova Sot Online ".
Kjo është e fundit në një varg vdekjesh misterioze që përfshijnë figura të shquara ruse që kur forcat e presidentit Vladimir Putin pushtuan Ukrainën shkurtin e kaluar.
Botimi rus 72.ru citoi një dëshmitar okular të thoshte se Egorov ra nga dritarja e katit të tretë dhe një tjetër të thoshte se kishte “probleme me zemrën”. Mësohet se do të kryhet autopsia për të përcaktuar shkakun e vdekjes.
Stacioni televiziv rus REN TV raportoi në mënyrë të ngjashme se Egorov besohet të ketë rënë nga një dritare e katit të tretë.
Shërbimi për shtyp i Drejtorisë së Hetimit për rajonin e Tyumenit i tha agjencisë shtetërore ruse të lajmeve RIA Novosti se hetuesit “po përcaktojnë të gjitha rrethanat e incidentit”.
Vitin e kaluar, Egorov u bë një nga përfaqësuesit më të pasur në Tobolsk, me të ardhura prej 9.1 milionë rubla (rreth 100,500 dollarë). Në vitin 2016, ai u dënua me punë me burg për mospagesë të qirasë nga një biznesmen për dhënien me qira të tokës komunale, por më vonë dënimi u refuzua, raporton N1.
(Kosova Sot Online )
