Osmani pret në takim ambasadorin francez Guerot
Ambasadorin e Francës në Kosovë, Olivier Guerot, e ka pritur sot në takim presidentja e Republikës së Kosovës, Vjosa Osmani, transmeton gazeta "Kosova Sot Online".
Në takim, siç njofton Presidenca është diskutuar për zhvillimet e fundit në vend, procesin e dialogut Kosovë-Serbi si dhe bashkëpunimin bilateral në mes të Kosovës dhe Francës.
“Presidentja foli edhe për rëndësinë e avancimit të Kosovës në rrugëtimin e saj të integrimit evropian, si një vend që ka dëshmuar angazhim serioz përmes reformave rrënjësore”, thuhet në komunikatë.
“Në këtë takim, Osmani ka ritheksuar përkushtimin e Kosovës për bashkëpunim të vazhdueshëm në mes të institucioneve të Republikës së Kosovës dhe Francës, në të mirë të qytetarëve të të dyja vendeve”, përfundon njoftimi i Presidencës.
(Kosova Sot Online)