Osmani uron Talat Xhaferin pasi sot është zgjedhur kryeministër i Maqedonisë së Veriut
Talat Xhaferin i cili është zgjedhur sot kryeministër i Maqedonisë së Veriut, e ka uruar presidentja e Kosovës, Vjosa Osmani, transmeton gazeta “Kosova Sot Online”.
Osmani shkroi në “X” se sot shënohet një moment historik i rëndësishëm për të gjithë komunitetin shqiptar në Maqedoninë e Veriut.
“Sot shënohet një moment historik të rëndësishëm për të gjithë komunitetin shqiptar në Maqedoninë e Veriut, duke reflektuar kontributin e tyre jetik në shtetësinë e vendit dhe rrugëtimin drejt integrimit euroatlantik. I uroj qeverisë dhe të gjitha institucioneve të Maqedonisë së Veriut suksese”, shkroi ajo në Twitter.
(Kosova Sot Online)