Trafik armësh dhe eksplozivësh nga Kosova në Shqipëri, kapen 46 kg tritol! Kush janë të arrestuarit (Detaje-Foto)

46 kilogramë tritol u sekuestruan nga policia e Tiranës në një operacion që goditi një grup kriminal nga Kosova, i cili trafikonte lëndë eksplozive drejt Shqipërisë, transmeton "Kosova Sot Online ". 

Të arrestuar janë 3 persona nga Gjilani, konkretisht Rigon Maliqi, 20 vjeç, Lion Pira, 25 vjeç dhe Shkelqim Halabaku, 27 vjeç. Ndërsa 2 të tjerë u shpallën në kërkim.

Lexoni edhe:

Deputeti Armend Muja i reagon BE-së: Askush nuk po i hedh bezinë zjarrit

Drejtori i Drejtorisë Vendore të Policisë Tiranë, Tonin Vocaj në një konferencë për mediet ka bërë publike rezultatet e operacionit. 

Njoftimi i policise:

Gjatë këtyre 2 operacioneve u godit një rast i trafikimit të lëndëve eksplozive, u sekuestrua një sasi e konsiderueshme lënde eksplozive, si dhe u dokumentua me prova ligjore, ngjarja e ndodhur në rrugën “Perlat Rexhepi”, ku iu vendos lëndë plasëse një zyre noteriale.   Për të dyja rastet, autorët janë vënë në pranga.    
Seksioni për Hetimin e Trafiqeve të Paligjshme, i DVP Tiranë, pas një pune hetimore 4-mujore, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, duke përdorur metoda speciale të hetimit, bëri të mundur goditjen e një grupi kriminal nga Kosova, që kryente trafikim armësh dhe lëndësh eksplozive nga Kosova në drejtim të Shqipërisë.  Si rezultat i mirorganizmit të punës në kuadër të operacionit policor të koduar “THE SAME”, më datë 04.02.2024, në afërsi të urës së Gjolës u bë arrestimi në flagrancë i shtetasve:     Rigon Maliqi, 20 vjeç, Lion Pira, 25 vjeç dhe Shkelqim Halabaku, 27 vjeç, të tre banues në Gjilan. Në kuadër të këtij hetimi, u shpallën në kërkim edhe 2 shtetas kosovarë.  Gjithashtu, gjatë operacionit u sekuestruan 203 kallëpe me lëndë plasësë të dyshuar tritol TNT, me peshë 46 kg. Kjo sasi ishte destinuar për t’u përdorur nga grupe kriminale të ndryshme, në territorin e Republikës së Shqipërisë.   Në kuadër të këtij procedimi janë sekuestruar edhe 3 celularë dhe 1 automjet.  Më parë, në kuadër të këtij procedimi janë zhvilluar 2 operacione, janë vënë në pranga 2 shtetas dhe janë sekuestruar 4 armë zjarri pistoleta, së bashku me krehra dhe municione luftarake, të cilat janë trafikuar nga Kosova në drejtim të Shqipërisë.   

(Kosova Sot Online )