Maqedonci nis raportimin në Komisionin për Siguri: Disa çështje nuk duhet dhe nuk mund të ndahen me publikun

Ministri i Mbrojtjes, Ejup Maqedonci, ka nisur raportimin në Komisionin parlamentar për Siguri, përcjell “Kosova Sot Online”.

Ai tregoi se raporti, të cilin tha se do ta prezantojë para deputetëve anëtarë të këtij komisioni “përmban aktivitetet kryesore në fushën e mbrojtjes dhe sigurisë për periudhën janar-dhjetor 2023”.

Maqedonci paralajmëroi se në këtë raportim do të flasë edhe për çështje më të ndjeshme, dhe se ajo pjesë e diskutimit s’do të mund të ndahet me publikun.

“Ndër çështjet të cilat do të diskutohen janë edhe çështjet e klasifikuara që besoj që nuk duhet dhe nuk mund të ndahen me publikun dhe mund t’i diskutojmë në pjesën e mbyllur të këtij raportimi”, tha Maqedonci.

(Kosova Sot Online)