E zbulon Stojkoviç: Serbët nga Kosova po abuzohen nga regjimi i Beogradit

Pas publikimit të një videoje ku shihet Millan Radoiçiqi, udhëheqësi i agresionit të grupit terrorist të armatosur të Serbisë më 24 shtator të vitit kaluar në fshatin Banjskë, duke grushtuar brutalisht Aleksandar Spiriq, ish-kryetarin ilegal të Mitrovicës së Veriut, ka reaguar Çedomir Stojkoviç, avokati i politikanit opozitar serb, Nikola Sanduloviç, transmeton gazeta "Kosova Sot Online".

Ai ka shkruar në platformën ‘X’, se kjo është tabloja më e mirë e situatës dhe ku gjenden serbët nga Kosova, të cilët abuzohen nga regjimi në Beograd.

“Çdo serb që jeton në veri të Kosovës e ka të ndaluar të shprehë mendimin e tij dhe nëse e thotë aty ku nuk ka rëndësi: këtë lloj trajtimi e merr nga lideri i organizatës paraushtarake apo persona të tjerë nën kontrollin e Aleksandër Vuçiqit”, tha ai,

Sipas tij, ata serbë nga veriu i Kosovës që shprehin mendimin e tyre aty ku ka rëndësi, kalojnë si Oliver Ivanoviq, një lider politik i pavarur i serbëve të Kosovës, i cili u vra në vitin 2018 pasi kanali televiziv i regjimit ‘Pink’ në pronësi të Zheljko Mitroviç organizoi një fushatë linquese kundër tij.

“Regjimi i Aleksandër Vuçiqit u privoi serbëve nga veriu i Kosovës lirinë e mendimit dhe të shprehjes përmes frikësimit dhe keqtrajtimit, dhe ua ndaloi të përdorin të gjitha të drejtat dhe liritë e tyre politike – sepse të gjitha këto liri u hiqen nga këto dhe rrahje të tjera. nga krerët e grupeve paraushtarake nën kontrollin e Aleksandër Vuçiqit. Aleksandër Vuçiq e bën këtë që t’i thotë komunitetit ndërkombëtar: “Serbët nga veriu i Kosovës duan kryengritje të armatosur, dhe unë jam i vetmi që e pengoj atë”, tha ai.

Duke shtuar se në realitet, serbët nga veriu i Kosovës do të kishin rënë dakord me qeverinë e Kosovës në 5 minuta për të gjitha çështjet e rëndësishme për jetën e tyre dhe do të merrnin investime nga perëndimi mjaftueshëm për një standard të mirë, por me këtë lloj frikësimi, regjimi i Aleksandër Vuçiq ua ndalon këtë.

“Mund ta imagjinoni sesi shokët dhe këlyshët e Aleksandër Vuçiqit abuzojnë me serbët nga veriu i Kosovës kur kamerat nuk janë ndezur. Ashtu siç “nuk ishin ndezur” kamerat gjatë vrasjes së Oliver Ivanoviqit edhe pse ishin në vend”, shkroi ai.

(Kosova Sot Online)