Borrell: Ja kur do të vendoset rezultati i luftës në Ukrainë
Shefi i politikës së jashtme të BE-së, Josep Borrell, tha pas takimeve në Uashington se sigurimi i mbështetjes së re për Ukrainën nuk mund të priste pasi përfundimi i luftës në Ukrainë do të vendoset këtë pranverë dhe verë, transmeton gazeta "Kosova Sot Online".
Mes dyshimeve mbi vazhdimin e ndihmës ushtarake të SHBA-së për Kievin, Borrell tha se mesazhi i tij për udhëheqësit amerikanë ishte “Çfarëdo që duhet bërë, duhet bërë shpejt”.
“Është e vërtetë për ne. Duhet të shpejtojmë. Duhet të rrisim mbështetjen tonë, të bëjmë më shumë dhe më shpejt. Kjo është arsyeja pse ne po rrisim kapacitetet tona të mbrojtjes industriale. Dhe është gjithashtu e vërtetë për SHBA-në. Muajt e ardhshëm do të jenë vendimtarë. Shumë analistë presin një ofensivë të madhe ruse këtë verë dhe Ukraina nuk mund të presë deri në rezultatin e zgjedhjeve të ardhshme në SHBA”, tha Borrell.
(Kosova Sot Online)
