Komandanti i KFOR-it takohet me Osmanin, i kërkon koordinim ndërmjet KFOR-it dhe institucioneve në Kosovë

E.K /
15 March 2024 - 15:18

Komandanti i KFOR-it, Özkan Ulutaş, sot ka pritur presidenten e Kosovës, Vjosa Osmani, në zyrat qendrore në Prishtinë, Camp Film City, përcjell “Kosova Sot Online”.

Në njoftimin për këtë takim, KFOR tha se në takim u diskutua mbi nevojën për koordinim dhe bashkëpunim të vazhdueshëm në mes KFOR’it dhe institucioneve të Kosovës.

“Gjeneralmajor Ulutaş theksoi nevojën thelbësore për koordinim dhe bashkëpunim të vazhdueshëm ndërmjet KFOR-it dhe institucioneve në Kosovë dhe organizatave të sigurisë së Kosovës për të garantuar siguri të qëndrueshme në mbarë Kosovën, për të mirën e të gjitha komuniteteve”.

Gjithashtu, siç thuhet në njoftimin në X, Ulutas ritheksoi përkushtimin e palëkundur të KFOR-it për zbatimin e përditshëm dhe të paanshëm të mandatit të tij në OKB. Ai gjithashtu nënvizoi përpjekjet e vazhdueshme të sigurisë së KFOR-it në mbështetje të dialogut të lehtësuar nga BE-ja ndërmjet Beogradit dhe Prishtinës.

Today, the Commander of the #NATO-led #KFOR mission, Major General Özkan Ulutaş, met with @VjosaOsmaniPRKS, at KFOR Headquarters, in Camp Film City, in Pristina. pic.twitter.com/iNttEgQjKU
— NATO Kosovo Force - KFOR (@NATO_KFOR) March 15, 2024