Disa persona gjuajnë me armë në sallën e koncerteve në Moskë, raportohet për të vdekur e plagosur
CNN po raporton se pesë persona të armatosur e të veshur me veshje kamuflazhi kanë hapur zjarr me armë automatike ndaj personave që gjendeshin në sallën e koncerteve në Moskë, Crocus City Hall pranë Moskës. Sipas raportimeve ka të vdekur dhe të plagosur në këtë incident, transmeton gazeta "Kosova Sot Online".
Nuk ka ende informacione të sakta për numrin e personave që kanë vdekur dhe plagosur.
“Një tragjedi e tmerrshme ka ndodhur sot në qendrën tregtare Crocus City,” tha kryetari i bashkisë së Moskës Sergei Sobyanin.
“Më vjen keq për të dashurit e viktimave”.
(Kosova Sot Online)
