E papritur: Rrëzohet një avion në këtë vend
Dy pilotë humbën jetën në Bursa të Turqisë kur një avion stërvitor u rrëzua në pistën e aeroportit Yenişehir, transmeton gazeta “Kosova Sot Online”.
Sipas raportimeve të para, avioni, me një burrë 61-vjeçar dhe një 43-vjeçar, po tentonin një ulje emergjente në pistën e aeroportit, kur njëri nga krahët e tij preku trotuarin, duke bërë që avioni të rrëzohej.
Administrata e qytetit të Bursës tha në një deklaratë se “një avion stërvitor që i përkiste një shkolle private fluturimi (Fenix Aviation) u rrëzua në pistën e aeroportit Yenişehir në provincën tonë. Të dy pilotët vdiqën në përplasje. Për ngjarjen ka nisur një hetim gjyqësor dhe administrativ”.
(Kosova Sot Online)
