Picula: Rënia e qeverisë serbe është rezultat i presionit në rritje

Raportuesi i Parlamentit Evropian për Serbinë, Tonino Picula, tha se rënia e qeverisë serbe është pasojë e rritjes së presionit të opinionit vendas, në krye me studentët, ndaj presidentit serb Aleksandar Vuçiq, dhe jo presionit nga jashtë, transmeton gazeta “Kosova Sot Online”.

 “Rënia e qeverisë serbe është pasojë e presionit në rritje ndaj regjimit të Aleksandër Vuçiqit nga një publik vendas i mobilizuar spontanisht i udhëhequr nga studentët, dhe jo nga “dora e padukshme” e forcave të huaja, siç përfaqëson kryeministri në dorëheqje”, tha Picula për agjencinë kroate të lajmeve Hina.

Ai tha se mbetet për t’u parë nëse “përkrahja për autokracinë do të mbetet e pandryshuar edhe pas rënies evidente të modelit aktual të qeverisjes së Serbisë”.

“Pyetjes nëse protestat masive kanë kapacitet të mjaftueshëm transformues për ndryshime më të thella në vend i duket gjithashtu një përgjigje. Kjo sigurisht varet nga lëvizjet e mëtejshme të palëve kundërshtare,” tha Picula.

Aleanca Progresive e Socialistëve dhe Demokratëve (S&D), së cilës i përket Picula, dje mbështeti studentët në Serbi në kërkesat e tyre për drejtësi dhe përgjegjësi për 15 viktimat e tragjedisë në Novi Sad .

S&D, grupi i dytë më i madh politik në Parlamentin Evropian, theksoi se mbështet fuqishëm të drejtën e njerëzve për të protestuar dhe dënoi ashpër frikësimin, dhunën kundër demonstruesve dhe shtypjen e shtetasve të huaj.

(Kosova Sot Online)