Putin refuzon negociatat drejtpërdrejt me Zelenskyn

Volodymyr Zelenskyy tha se Vladimir Putin kishte “frikë” nga negociatat për përfundimin e luftës pasi presidenti rus përjashtoi bisedimet e drejtpërdrejta me homologun e tij ukrainas, transmeton gazeta “Kosova Sot Online”.

“Sot, Putin konfirmoi edhe një herë se ai ka frikë nga negociatat, ka frikë nga liderët e fortë dhe bën gjithçka që është e mundur për të zgjatur luftën”, tha Zelenskyy.

Putin të martën përjashtoi mundësinë që të flasë drejtpërdrejt me Zelenskyy, të cilin ai e quajti “të paligjshëm” sepse zgjedhjet nuk janë mbajtur që kur Rusia filloi luftën, shkruan The Guardian.

Për shkak të luftës, Ukraina është nën ligjin ushtarak, gjatë së cilës kushtetuta e Ukrainës nuk lejon zgjedhje.

Ukraina ka paralajmëruar që të mos përjashtohet nga çdo bisedë paqeje midis Rusisë dhe SHBA-së, duke akuzuar Putinin se dëshiron të “manipulojë” presidentin e SHBA-së, Donald Trump.

(Kosova Sot Online)