Dy vajza arrestohen pasi tentuan të fusin marihuanë në Dubravë

Në Burgun e Dubravës, ku Policia fillimisht arrestoi një vajzë 21-vjeçare e më pas u prangos edhe një tjetër 19-vjeçare, transmeton gazeta “Kosova Sot Online”.

Media mëson se 21-vjeçarja e arrestuar ka tentuar që të fus brenda një sasi të narkotikëve të llojit marihuanë, duke e fshehur në një xhaketë – por që është kapur nga oficerët korrektues.

Lidhur me rastin, është arrestuar edhe e dyshuara tjetër, nën dyshimet se është po ashtu e përfshirë, thonë të njëjtat burime.

Droga e gjetur u sekuestrua, ndërsa dy të dyshuarat janë shoqëruar në stacion policor për t’u intervistuar.

Me urdhër të prokurorit, ndaj tyre është iniciuar rasti për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

(Kosova Sot Online)