Putin do të kërkojë ngrirjen e të gjitha furnizimeve me armë në Ukrainë

Vladimir Putin po kërkon ndalimin e të gjitha dërgesave të armëve në Ukrainë gjatë një armëpushimi 30-ditor të propozuar nga Donald Trump, transmeton gazeta “Kosova Sot Online”.

Të dy udhëheqësit do të diskutojnë planet për një armëpushim midis Rusisë dhe Ukrainës në një telefonatë mes orës 13:00 dhe 15:00 sipas kohës së Mbretërisë së Bashkuar sot, tha Kremlini këtë mëngjes.

Putin dëshiron që të gjitha dërgesat e armëve të ndërpriten, përfshirë edhe nga Evropa, por prioriteti i tij është të ndalojë ndihmën e SHBA-së, shkruan TheTelegraph duke cituar burimet e Bloomberg News.

Një zyrtar evropian tha se kontinenti hezitonte të ndalonte dërgesat e armëve pasi mund të lejonte Rusinë të riarmatosej ndërkohë që Ukraina pengohej ta bënte këtë.

Kremlini e ka hedhur poshtë më parë idenë e një armëpushimi 30-ditor me arsyetimin se kjo do t’i jepte Ukrainës kohë për të pushuar dhe për t’u riarmatosur.

“Ne e shohim këtë si një përpjekje për t’u siguruar forcave ukrainase një pauzë gjatë një periudhe të vështirë Ushtria ruse po përparon në të gjitha frontet dhe në këto rrethana, armëpushimi mund të shihet si një mënyrë për të lejuar Ukrainën të forcojë pozicionin e saj,” tha ndihmësi i Putinit, Yuri Ushakov.

(Kosova Sot Online)