Osmani: Aleancën me SHBA-në synojmë ta forcojmë
Presidentja e Kosovës, Vjosa Osmani, ka publikuar një intervistë të cilën e ka dhënë ditë më parë për një influencer australian, Mario Nawfal, e ku ka folur për aleancën e Kosovës me SHBA-në dhe kontributin e Amerikës në çlirimin dhe pavarësinë e Kosovës, transmeton gazeta “Kosova Sot Online”.
Osmani ka thënë se këtë aleancë me SHBA-në, Kosova synon ta forcojë edhe më shumë me presidentin Donald Trump dhe Administratën e tij.
“Që nga nata më e errët e luftës, e deri te mëngjesi i lirisë – Amerika ishte aty për ne! Këtë aleancë synojmë ta forcojmë edhe më shumë bashkë me Presidentin Trump dhe Administratën e tij”, ka shkruar shefja e shtetit.
(Kosova Sot Online)
