Izraeli godet objektiva ushtarake dhe një qendër bërthamore në Iran
Ushtria izraelite ka deklaruar të premten se gjatë natës ka kryer sulme ndaj dhjetëra objektivave ushtarake në territorin iranian, përfshirë edhe Organizatën për Inovacion dhe Kërkime Mbrojtëse, që sipas saj është e përfshirë në zhvillimin e armëve bërthamore nga ana e Iranit, transmeton gazeta “Kosova Sot Online”.
Sipas mediave iraniane, një fabrikë industriale në veri të vendit është dëmtuar nga një sulm, pak orë pasi Izraeli kishte lëshuar paralajmërim që banorët të largoheshin nga zonat përreth.
Ndërsa, raportimet e mëparshme mediatike thonë se objekti ndodhej në zonën industriale Sefidrud dhe merrej me prodhimin e fibrave të karbonit – material që mund të përdoret për ndërtimin e sistemeve të armëve, përfshirë trupat e raketave.
(Kosova Sot Online)
