Orban: Pranimi i Ukrainës në NATO do të shkaktojë 'Luftën e Tretë Botërore'
Kryeministri hungarez, Viktor Orban, ka shprehur shqetësime të thella lidhur me mundësinë e pranimit të Ukrainës në NATO, duke paralajmëruar se një hap i tillë do të shkaktonte një konflikt të armatosur me Rusinë dhe mund të çonte në Luftën e Tretë Botërore, transmeton gazeta “Kosova Sot Online”.
Në një postim në X (ish-Twitter), Orban tha se “Ukraina në NATO? Kjo do të thoshte luftë me Rusinë dhe Luftën e Tretë Botërore që të nesërmen.”
Ai gjithashtu kritikoi nxitimin e Bashkimit Evropian për pranimin e Ukrainës, duke e cilësuar si një veprim të rrezikshëm që mund të çojë në shndërrimin e Evropës në një “fushë beteje.”
Orban theksoi se Hungaria nuk do ta lejojë këtë, duke paralajmëruar se “nxitimi i pamatur i BE-së për të pranuar Ukrainën do t’i tërhiqte vijat e frontit në zemër të Evropës.”.
(Kosova Sot Online)
