Policia e Kosovës gjobit autobusët që nuk ndalen në stacione
Njësia e Trafikut të Kryeqytetit, është duke zhvilluar kontrolle dhe duke ndërmarrë masa ndaj autobusëve, të cilët nuk e respektojnë ligjin dhe nuk ndalen në stacionet e përcaktuara, transmeton gazeta "Kosova Sot Online".
Qëllimi i këtyre veprimeve është rritja e sigurisë në komunikacion, shmangia e rreziqeve të mundshme për udhëtarët dhe pjesëmarrësit tjerë në trafik.
Policia apelon te të gjithë shoferët e autobusëve që të zbatojnë rregullat dhe të ndalen vetëm në vendet e caktuara, duke treguar kujdes për jetën dhe sigurinë e udhëtarëve.
(Kosova Sot Online)
