Naim Murseli në seancë: A e thotë raporti që unë e kam vrarë gruan?
Në Gjykatën Themelore në Prishtinë ka nisur seanca e radhës në rastin e vrasjes së Lirdona Ademajt, ku i akuzuari kryesor për këtë rast është bashkëshorti i të ndjerës, Naim Murseli dhe dy të tjerë, Granit Plava dhe Kushtrim Kokalla, transmeton gazeta "Kosova Sot Online".
Në këtë seancë po dëshmojnë zyrtarë të Psikiatrisë Forenzike për ekzaminimin e gjendjes së Naim Murseli.
Ish- drejtori i Klinikës së Psikiatrisë Forenzike, Shpend Haxhibeqiri, ka nisur dëshminë e tij në seancës për rastin e Liridona Ademaj.
Haxhibiqiri në dëshminë e tij u shpreh se nuk është konstatuar asnjë çrregullim mendor tek i akuzuari.
Por Naim Murseli pati një pyetje rreth raportit për ekspertizen psikiatrike që i është bërë atij.
“Ne media kam parë tituj që ekzaminimi im thotë, që Naim Murseli ishte në gjendje të aftësisë në momentin kur vrau gruan e tij. Pyetja ime është kjo. A e thotë raporti që unë e kam vrarë gruan time”, tha Murseli në seancë.
(Kosova Sot Online)
