Për të vëzhguar zgjedhjet një delegacion nga Këshilli i Evropës zbarkon në Kosovë

Një delegacion prej gjashtë anëtarësh i Asamblesë Parlamentare të Këshillit të Evropës (PACE), i kryesuar nga Yunus Emre (Türkiye, SOC), do të qëndrojë në Kosovë nga 27 deri më 29 dhjetor për të vëzhguar zgjedhjet e parakohshme për Kuvendin e Kosovës, transmeton gazeta "Kosova Sot Online".

Delegacioni i PACE do të takohet me udhëheqës dhe përfaqësues të partive kryesore politike, përfshirë partitë që përfaqësojnë komunitetet jo-shumicë, Kryetarin e Komisionit Qendror të Zgjedhjeve, Kryetarin e Panelit të Ankesave dhe Parashtresave Zgjedhore, si dhe përfaqësues të bashkësisë ndërkombëtare, OJQ-ve dhe medias, përpara se të vëzhgojë votimin më 28 dhjetor.

Gjithashtu, një ekspert i Komisionit të Venedikut – grupi i ekspertëve të pavarur ligjorë të Këshillit të Evropës, do të ofrojë mbështetje ligjore gjatë vizitës.

(Kosova Sot Online)