Molliqaj: Kuvendi i LDK-së me Abdixhikun do t’i shërbejë Kurtit si patericë

Sipas kreut të PSD-së, Dardan Molliqaj, “Kuvendi i LDK-së prodhoi patericën e ardhshme të pushtetit autoritar”, referuar Lumir Abdixhikut, transmeton gazeta "Kosova Sot Online".

Sipas Molliqajt, “zgjedhja e fundit brenda LDK-së do t’i shërbejë Kurtit”.

Sipas tij, deklarimi i Abdixhikut për gatishmërinë për t’u “marr vesh për presidentin”, nuk i shërben LDK-së e as Kosovës, por partisë në pushtet, shprehet Molliqaj.

“Qasja që fitoj në Kuvendin e LDK-së e shndërron atë në patericë të pushtetit. Shërbimin e parë Abdixhiku e ofroj menjëherë pas votëbesimit; t’ja ofroj ndihmën për zgjedhjen e presidentit”, është shprehur Molliqaj.

(Kosova Sot Online)