Musliu: Kosova ka nevojë për lidership që bashkon dhe respekton institucionet

Deputetja e PDK-së, Ganimete Musliu ka thënë se përplasjet mes presidentes Vjosa Osmani e kryeministrit  Albin Kurti tregojnë pushteti aktual më shumë merret me luftë për ndikim sesa me hallet reale të qytetarëve, transmeton gazeta "Kosova Sot Online".

Musliu ka thënë se Kosova nuk ka nevojë për ego politike në majë të shtetit, por ka nevojë për lidership që bashkon.

“Sot Kosova po përballet me një paradoks të madh politik. Në vend që institucionet më të larta të shtetit të jenë shembull i unitetit, përgjegjësisë dhe garant i rendit kushtetues, ato janë kthyer në arenë përplasjesh dhe inatesh politike. Përplasjet mes Vjosa Osmanit  dhe Albin Kurtit po tregojnë qartë se pushteti aktual më shumë merret me luftë për ndikim sesa me hallet reale të qytetarëve. Kosova nuk ka nevojë për ego politike në majë të shtetit. Kosova ka nevojë për lidership që bashkon, që respekton institucionet dhe që punon për qytetarin. Shteti nuk është pronë e askujt.  Udhëheqja e shteti është përgjegjësi, kush nuk e kupton këtë, nuk e meriton ta udhëheqë”, ka shkruar ajo.

(Kosova Sot Online)