Dorëzohen pesë ankesa ndaj rezultateve të shpallura nga KQZ

Ka përfunduar afati për paraqitjen e ankesave ndaj rezultateve përfundimtare të zgjedhjeve të parakohshme për Kuvendin e Kosovës, të shpallura nga Komisioni Qendror i Zgjedhjeve (KQZ).

Sipas të dhënave të publikuara nga Paneli Zgjedhor për Ankesa dhe Parashtresa (PZAP), gjithsej janë dorëzuar pesë ankesa nga subjektet politike.

Ankesa kanë paraqitur Partia Demokratike e Kosovës (PDK) – dy ankesa, Lista Serbe – një ankesë dhe Partia e Re Demokratike (Nova Demokratska Stranka – NDS) – dy ankesa.

Dy ankesat e PDK-së kanë të bëjnë me pretendimet për mungesë votash, ndërsa Lista Serbe dhe Partia e Re Demokratike kanë kundërshtuar parregullsi që lidhen me fletëvotimet.

(Kosova Sot Online)