Vedat Muriqi titullar edhe kundër Real Madridit
Vedat Muriqi do të luajë si titullar në përpjekje për t’i ndihmuar klubit të tij të ri, Fenerbahçes, ta zërë vendin e tretë në Audi Cup, kundër Real Madridit.
Fenerbahçe dhe Real Madridi takohet sonte në orën 18:00 në Allianz Arena në Munih, në luftë për vendin e tretë në turneun miqësor, Audi Cup.
Sulmuesi i Kombëtares së Kosovës Muriqi, i cili iu bashkua Fenerit nga Rizespor në fillim të këtij muaji, është përsëri titullar dhe në kërkim të golit të katërt tashmë për klubin e ri.
Muriqi i ka realizuar tri gola në katër ndeshje (të gjitha miqësore) deri tani për Fenerbahcen.
25-vjeçari nga Prizreni luajti tërë ndeshjen gjysmëfinale kundër Bayern Munich të martën, të cilën klubi i tij e humbi 6:1, por nuk ia doli të lërë gjurmë.
Edhe pse luajti plot 90 minuta dhe në formë të lartë pas tri golave në tri ndeshjet e tij të para për Fenerin që prej transferimit nga Rizespor, Muriqi ishte i pavërejtur në këtë takim.
Megjithatë, ai do të kërkojë të lërë gjurmë sot, kundër një gjiganti tjetër evropian, sic është Real Madridi.
(Kosova Sot Online)