Driton Kuka konfirmon, ekipi elitar i xhudos dalin të gjithë negativ në testin për coronavirus

Trajneri Driton Kuka ka shfrytëzuar rrjetet sociale për të dhënë lajmin e mirë pas testimit të tij dhe ekipit elitar të xhudos së Kosovës.

Ekipit të Kosovës i është dhënë drita e gjelbër për të udhëtuar drejt Kroacisë, pas testeve të bërë për coronavirus.

I gjithë ekipi ka dalë negativ në këtë test dhe lajmi është konfirmuar nga vet trajneri Kuka, i cili ka shkruar në rrjetet sociale.

Kuka nuk ka hezituar t’i falënderoj drejtuesit e IKSHPK-së dhe ata të spitalit të Pejës për kujdesin dhe testimin e bërë nga ta.

Postimi pa ndërhyrje i Driton Kukës:

Ekipi ynë Elitar dje u testua dhe që të gjithë dolën negativ!

Tashmë kemi udhëtuar në stërvitje të përbashkëta me reprezentuesit Kroat e Slloven në Poreç të Kroacisë.

Ishte kënaqêsi bashkëpunimi me Profesorin e nderuar Naser Ramadani i cili është në krye të heronjve mantelbardhë që po përballen në vijën e parë të frontit kundër pandemisë!

Falenderim i veçantë për Dr Adnora Nurboja udhëheqëse dhe stafit nga Peja për testime.

Me njerëz si ju Kosova do ja dal edhe kësaj sfide.

Të përkrahim këta heronj me kujdes të shtuar,të ruajmë familjet tona,miqtë tanë e popullin e Kosovës.

(Kosova Sot Online )