Reagon La Liga për rastin e Messit, ia mban anën Barcelonës
Liga elitare e futbollit spanjoll, La Liga, ia ka mbajtur anën Barcelonës në betejën me Lionel Messin për çështjen e kontratës, duke thënë në një komunikatë për media të dielën se lojtari ka kontratë me klubin dhe mund të largohet vetëm nëse paguhet klauzola e tij në vlerë 700 milionë euro.
Messi e tronditi Barcelonën të martën duke e dorëzuar në klub një kërkesë, e njohur në Spanjë si burfox, për ta kërkuar largimin nga klubi si lojtar i lirë dhe sot nuk u paraqit për ta bërë testin e PCR-së për koronavirus
33-vjeçari ka kontratë me Barcelonën deri në qershor të vitit 2021, por argumenti avokatëve të tij është se ai mund të largohet si lojtar i lirë në përputhje me një klauzolë lirimi në marrëveshjen e tij me klubin që ia mundëson atij të largohet pa asnjë qindarkë.
Por ajo klauzolë mund të aktivizohet nga Messi vetëm në një periudhë të caktuar kohore, mars-maj.
Dhe meqë sezoni 2019/20 u shty deri në fund të gushtit, për shkak të pandemisë koronavirus, avokatët e Messit argumentojnë se edhe afati i klauzolës së tij duhet të shtyhet, gjë që kundërshtohet nga Barcelona.
Barcelona nuk ka dashur as të pranojë të flasë për largimin e Messit dhe është e gatshme të heqë dorë nga ai vetëm nëse paguhet klauzola e tij në vlerë 700 milionë euro.
La Liga ka vendosur që Barcelona ka të drejtë dhe se mënyra e vetme që Messi të largohet është përmes klauzolës 700 milionë eurosh.
“Në lidhje me situatën e kontratës së Lionel Messit dhe Barcelonën, La Liga e sheh të udhës të sqarojë se: Kontrata është në fuqi dhe e ka një klauzolë largimi, e aplikueshme në rast se Lionel Andres Messi vendos të largohet para kohe me vendim të njëanshëm”, thuhet në reagimin e La Ligës.
La Liga shton: “
“La Liga nuk do të japë leje për çregjistrimin e lojtarit nga federata, nëse shuma e cekur në kontratë nuk paguhet”.
(Kosova Sot Online)
