Lexoni edhe:
Si po formësohet Barcelona e Koemanit
Presidenti i Napolit, Aurelio De Laurentiis, ka dalë pozitiv në testin për Covid-19, vetëm një ditë pasi mori pjesë në një takim të ligës elitare italiane, Lega Serie A, edhe pse kishte simptoma.
Në takimin e djeshëm morën pjesë presidentët e 20 klubeve të Serie A, për të biseduar për shndërrimin e ligës në kompani mediale.
Si po formësohet Barcelona e Koemanit Lexoni edhe:
Napoli konfirmoi në një komunikatë për media se Laurentiis është infektuar me koronavirus.
Mediat italiane po e akuzojnë shefin e Napolit se i ka rrezikuar të tjerët duke marrë pjesë në takim i vetëdijshëm për simptomat e virusit.
Sipas tyre, De Laurentiis kishte simptoma disa ditë më radhë dhe e kishte bërë testin, por nuk e kishte pritur rezultatin para se të merrte pjesë në takim.
Sikur ajo mos të mjaftonte, ai nuk e kishte vendosur maskën gjatë gjithë kohës kur kishte biseduar me presidentët e tjerë, e as kur kishte folur para gazetarëve pas takimit.
Të gjithë presidentëve të klubeve të Serie A që morën pjesë në takim, do t’iu kërkohet të testohen për koronavirus. Sezoni i ri 2020/21 në Serie A është përcaktuar të nisë më 19 shtator.
(Kosova Sot Online )