Suarez ka kërkuar që të ndalen krahasimet mes Yamalit dhe Messit

Luis Suarez ka kërkuar që të ndalen krahasimet mes Lamine Yamalit dhe Lionel Messit, duke theksuar se dy futbollistët kanë cilësi të ngjashme, por janë lojtarë krejtësisht të ndryshëm.

Sulmuesi i Inter Miamit pranoi talentin e madh të yllit të ri të Spanjës, por paralajmëroi se vendosja e pritshmërive të mëdha mbi një 18-vjeçar mund të jetë e padrejtë. Sipas tij, Yamal duhet të lejohet të zhvillohet në rrugën e tij, pa u matur vazhdimisht me një legjendë si Messi.

“Krahasimet janë të padurueshme. Janë lojtarë të ndryshëm. Po, kanë të njëjtën këmbë të majtë dhe cilësi të ngjashme, por janë krejtësisht ndryshe. Rezultatet flasin vetë për atë që Leo vazhdon të bëjë edhe në këtë moshë. Shpresoj që Lamine të arrijë të paktën në atë nivel”, deklaroi Suarez për Mundo Deportivo.

(Kosova Sot Online)