Lexoni edhe:
Ylli i Man City pas humbjes 5:2 kudër Leicesterit: Kundërshtari s’bëri asgjë, jam i hutuar
Diego Costa: Unë përleshem, Suarezi kafshon
Sulmuesi i Atletico Madridit, Diego Costa, ka thënë se mezi pret ta formojë një partneritet pjellor me bashkëlojtarin e vet të ri, Luis Suarez, duke iu referuar me shaka problemeve disiplinore të uruguaianit në të kaluarën.
Suarezi iu bashkua Atleticos javën e kaluar nga Barcelona dhe shënoi dy gola dhe e dhuroi një asist në debutimit e tij, duke i ndihmuar skuadrës së Diego Simeones ta shkatërrojë 6:1 Granadan të dielën.
Costa, ndërkohë, e shënoi një gol para se t’ia lironte vendin në fushë Suarezit në pjesën e dytë.
“Ai është shumë i mirë, njëri prej nesh mund të përleshet, ndërsa tjetri të kafshojë”, tha Costa, duke e kujtuar kohën kur Suarezi e kafshoi Giorgio Chiellinin e Italisë në Kupën e Botës 2014.
Costa theksoi se nuk besonte dot se skuadra e tij do të ishte në gjendje ta blinte Suarezin, i cili i shënoi 198 gola në gjashtë sezone me Barcelonën por u vlerësuar tepricë në skuadrën e trajnerit të ri Ronald Koeman.
“Ne jemi me fat që e kemi Suarezin, nuk e kuptoj sesi Barcelona ka mundur ta lërë atë të largohet”, nënvizoi Costa.
“Ai do të na ndihmojë shumë me gola dhe me shpirtin e tij luftarak dhe urinë për të fituar trofe”.
(Kosova Sot Online )
