Kosovës i shtohen telashet, mungojnë edhe tre “yje” ndaj Greqisë
Kombëtarja e Kosovës vazhdon të ketë probleme me lëndime.
“Dardanët” i zhvilluan ndeshjet me Maqedoninë e Veriut dhe Slloveninë me tetë mungesa, nëse llogaritet edhe mosftesa e Bernard Berishës.
Sikur të mos mungonte kjo.
Federata e Futbollit të Kosovës njofton se në Athinë me ekipin sot nuk kanë udhëtuar Valon Berisha, Arbër Zeneli e Edon Zhegrova.
“Pas ekzaminimeve mjekësore në mëngjes u konstatua se ata nuk janë në gjendje të luajnë në ndeshjen kundër Greqisë”, shkruan shtëpia e futbollit kosovar.
Mungesa e Berishës, Zenelit e Zhegrovës e çon në 10 numrin e mungesave te Kosova për këtë përballje.
Kosova është nisur sot për në Athinë, ku nesër mbrëma do ta zhvillojë ndeshjen kundër Greqisë në kuadër të Grupit 3 të Ligës C në Ligën e Kombeve.
(Kosova Sot Online)