Lexoni edhe:
Superliga rikthehet në mesjavë me ndeshje mjaft interesante
Challandes: Shqipëria kundërshtar i fortë, ne duhet të luajmë mirë
Trajneri i Kombëtares së Kosovës, Bernard Challandes, e ka vlerësuar lart ekipin kombëtar të Shqipërisë, para takimit miqësorë të mërkurën në Elbasan, duke thënë kuqezinjtë kanë lojtarë të mirë që luajnë në liga të forta.
Shqipëria do të jetë mikpritëse e Kosovës në Elbasan Arena të mërkurën në orën 16:00, në një takim që cilësohet si vëllazëror.
Shqipëria duhej të luante me Gjibraltarin në këtë orar, por ndeshja u anulua shkaku i pandemisë koronavirus. Kosova e shfrytëzoi mundësinë për të luajtur ndeshje miqësore me kuqezinjtë duke qenë se ishte e detyruar kundërshtar për këtë datë gjithsesi.
Duke folur në një konferencë për media në Durrës, Challandes vlerësoi se Kombëtarja kuqezi është kundërshtare e përshtatshme për Kosovën në këtë kohë.
“Shqipëria ka lojtarë të mirë, që luajnë në liga të forta, ka ekip të mirë. Disa prej tyre nuk do të jenë prezentë në këtë takim, por mendoj se është një kundërshtar mjaft i mirë për momentin”, tha Challandes.
Ai shtoi: “Ne duhet të luajmë për të bërë përparim, duhet të bëjmë lojë të mirë, duhet ta respektojmë vlerën tonë. Duhet ta kemi filozofinë e duhur dhe më pas vijnë rezultatet”.
Që prej pranimit në FIFA dhe UEFA më 2016, Kosova është takuar me Shqipërinë vetëm një herë, në një ndeshje miqësore që e fitoi 3:0.
Pak ditë pas këtij takimi, Kosova dhe Shqipëria do të jetë në zëna me ndeshje në Ligën e Kombeve më vonë atë muaj.
Dardanët më 15 nëntor do të jenë mysafirë të Sllovenisë, derisa më 18 nëntor do të jenë mikpritës të Moldavisë.
Ndërkaq, kuqezinjtë më 15 nëntor do të luajnë ndaj Kazakistanit dhe më 18 nëntor ndaj Bjellorusisë.
(Kosova Sot Online )
