Lexoni edhe:
Solskjaer pasi Man United u bë lider i Premierligës: Na e sillni Liverpoolin
Barcelona s’është favorite as në Superkupën e Spanjës – thotë Koeman
Trajneri i Barcelonës, Ronald Koeman, e ka pranuar se skuadra e tij nuk është favorite për ta fituar Superkupën e Spanjës, para duelit gjysmëfinal kundër Real Sociedadit të mërkurën.
Megjithëse Barcelona ka filluar ta rigjejë formën e mirë këtë fillim vit, posaçërisht me shpërthimin e Lionel Messit në ndeshjet e fundit, Koeman nuk e sheh skuadrën e vet si favorite për trofeun.
Barça përballet me Real Sociedadin në gjysmëfinalen në stadiumin Nuevo Arcángel të Cordobas, në orën 21:00.
“Nuk mendoj se po”, u përgjigj Koeman kur u pyet nëse Barça është favorite.
“Nuk varet nga forma e kohëve të fundit e skuadrës. Sociedadi pati fillim shumë të mirë në La Liga. I kam parë disa ndeshje të tyre dhe ata duken ekipi më i mirë në divizion”, shtoi ai.
“Për mua nuk ka favorit të pastër për ta fituar Superkupën”, theksoi ai.
(Kosova Sot Online )
