Një tjetër ekipi i Serie A shkarkon trajnerin

  • A.P /
  • 01 mars 2021 - 18:18
Një tjetër ekipi i Serie A shkarkon trajnerin

Sezonin e kaluar Giovanni Stroppa ia doli të ngjitë Crotonen në Serinë A, por eksperienca në elitën e futbollit italian nuk ka rezultuar aspak pozitive deri tani për klubin kalabrez, që në 24 ndeshje ka grumbulluar vetëm 12 pikë dhe pozicionohet në vendin e fundit.

Mbijetesa duket një mision i pamundur për Crotonen, megjithatë drejtuesit e klubit kanë vendosur të shkarkojnë trajnerin Stroppa mesditën e sotme, për t’i dhënë një shkundje ambientit deri në fund të sezonit.

Lajmin e bëri të ditur vetë klubi kalabrez nëpërmjet një komunikate zyrtare, ndërsa vendin e Stroppës pritet ta marrë një trajner që i mungon Serisë A prej shumë sezonesh, 62-vjeçari Serse Cosmi.

Ky i fundit gjatë viteve të fundit ka drejtuar klube të ndryshme në Serinë B dhe pritet që sot të firmosë me Crotonen, ku do të mundohet të bëjë një figurë të mirë deri në fund të sezonit.

(Kosova Sot Online)