Lexoni edhe:
Tre shqiptarë përfshihen në ekipin e Lazios për ndeshjen ndaj Torinos
Rashica, i fokusuar tek Werderi
Ylli kosovar është duke u munduar ta rikthejë formën e dikurshme, s’po mendon për transferim të mundshëm
Milot Rashica dështoi të transferohej në një klub tjetër në dy afatet e fundit kalimtare.
Ylli kosovar lidhej me një kalim në Premierligë verën e kaluar dhe në një klub tjetër gjerman gjatë janarit të fundit.
Mirëpo, asnjëri transferim nuk u realizua dhe vushtrriasi mbeti në Werder Bremen.
24 vjeçarin e përshkuan lëndimet e njëpasnjëshme, të cilat i kushtuan më pas edhe më rënie të performancave.
Tash, ish-futbollisti i Vushtrrisë dhe Vitesses është i fokusuar vetëm tek klubi i tij aktual.
Ai synon ta rikthejë formën e dikurshme dhe nuk po mendon për një transferim të mundshëm.
“Nuk është se vetëm po e them, por unë i jam borxhli i madh këtij klubi. Jam i vetëdijshëm se duhet t’ju rikthehem paraqitjeve të mia të dikurshme”, ka thënë Rashica për mediat gjermane.
“Fakti se nuk është realizuar asnjë transferim i përket së kaluarës dhe nuk luan rol për mua për momentin”, vazhdoi ai.
Rashicën e kërkonte Aston Villa në Angli. Por, atë e pëlqenin edhe klubet gjermane si Bayer Leverkusen, Leipzig e Hertha Berlin.
Rashica ka kontratë me Werderin deri në vitin 2022, por mund të largohet nga ky klub gjatë verës që vjen.
(Kosova Sot Online )
