Lexoni edhe:
Oligarku rusofil Behxhet Pacolli ja kalon edhe Listës Serbe, nuk merr pjesë në seancën konstituive të Kuvendit për dhënien e betimit
Lazio po kërkon ta shesë Muriqin, sipas mediave italiane
Lazio është duke kërkuar ta shesë Vedat Muriqin gjatë kësaj vere, pas një sezoni debutues dëshpërues në Serie A, sipas mediave italiane. Sulmuesi i Kombëtares së Kosovës Muriqi iu bashkua Lazios për 18.5 milionë euro nga Fenerbahce në verën e vitit 2020, por deri tani ka dështuar ta bindë trajnerin Simone Inzaghi.
Muriqi i ka shënuar vetëm dy gola dhe e ka dhënë një asist në 25 ndeshje me Lazion këtë sezon, në shumicën e të cilave luajti si rezervist.
Lazio e afroi prizrenasin si alternativë të golashënuesit kryesor Ciro Immobile, por Muriqi mbeti edhe nën hijen e dyshes Joaquin Correa dhe Felipe Caicedo.
Nëse Lazio dështon të kualifikohet në Ligën e Kampionëve sezonin e ardhshëm, Lazios do t’i ulë shpenzimet dhe Muriqi është i pari në listën e shitjeve, sipas mediave italiane.
Muriqi mund të kthehet në Fenerbahce, sipas mediave lokale në kryeqytetin italian.
Edhe Premierliga mund të jetë destinacioni i ardhshëm i sulmuesit kosovar, me Burnley dhe Tottenham që thuhet të jenë të interesuara për të.
(Kosova Sot Online )
