Modric shpërthen në lot pas befasisë që iu bë nga Federata e Futbollit e Kroacisë

  • A.P /
  • 28 mars 2021 - 09:56
Modric shpërthen në lot pas befasisë që iu bë nga Federata e Futbollit e Kroacisë

Luka Modric u bë futbollisti me më së shumti paraqitje për Kombëtaren e Kroacisë.

Ai dje zhvilloi ndeshjen e 135-të me kombëtaren e tij, të cilën e dërgoi edhe në finale të Kampionatit Botëror të vitit 2018.

Me këtë rastë, atij iu bë një befasi e këndshme nga Federata kroate e futbollit teksa iu dhurua një fanellë, një tortë e përgatitur për yllin e Real Madridit dhe iu shfaq një video e ndeshjeve të tij.

Kjo bëri që mesfushori të shpërthente në lot, teksa bashkëlojtarët nuk i ndalnin duartrokitjet për të.

Modric gjithashtu është lojtari i vetëm kroat që ka arritur të fitojë Topin e Artë. 

(Kosova Sot Online)