Franca e mund Kazakistanin, për fitoren e parë në kualifikimet e Botërorit Katar 2022

  • A.P /
  • 28 mars 2021 - 17:17
Franca e mund Kazakistanin, për fitoren e parë në kualifikimet e Botërorit Katar 2022

Franca e ka mundur 2:0 Kazakistanin, duke e shijuar fitoren e parë në kualifikimet për Kupën e Botës 2022.

Ousmane Dembele me një gol dhe  Sergiy Maliy me një autogol i mjaftuan kampionit në fuqi të botës për t’i marrë tri pikët e para të plota në fushatën e re kualifikuese të dielën në Astana Arena

Franca ishte ndalur me një barazim 1:1 nga Ukraina në ndeshjen e saj hapëse në Grupin D, para katër ditëve në shtëpi.

Skuadra e Didier Deschamps e mbizotëroi takimin ashtu siç pritej dhe ka mundur ta fitonte edhe më bindshëm sikur lojtarët e saj të ishin më efikas para portës.

Vendasit nuk e patën qoftë edhe një goditje në kornizën e portës së Hugo Loris.

Franca i prin Grupit D tani me katër pikë pas dy ndeshjeve, ndërkohë që Kazakistani ngel e fundit pa pikë.

Në xhiron e ardhshme të mërkurën, Franca do të përballet me Bosnjën, ndërsa Kazakistani me Ukrainën.

(Kosova Sot Online)