Sulmuesi i Crotones më i mirë se Lewandowski e Haaland për muajin mars

Nwankwo Simy i Crotones është sulmuesi më i mirë në Evropë në muajin e fundit me tetë gola në pesë ndeshje.

Sulmuesi nigerian ka shënuar tetë nga 12 golat e Crotones nga 3 mars deri më 3 prill, por skuadra e sapo-promovuar e Serie A arriti të fitonte vetëm një ndeshje në atë kohë.

Simy tashmë ka shënuar 11 gola që nga fillimi i vitit 2021, i njëjtë me sulmuesin e Atalantas, Luis Muriel. Vetëm Cristiano Ronaldo ka më shumë gola në Serie A që nga fillimi i vitit me 12.

Sulmuesi i Crotone gjithashtu u bë lojtari i tretë afrikan në historinë e Serie A për të gjetur rrjetën në pesë ndeshje me radhë pas George Weah në 1996 dhe Keita Balde në 2017.

Asnjë sulmues tjetër nuk ka shënuar më shumë gola sesa 28-vjeçari në muajin e fundit.

Lorenzo Insigne, Dusan Vlahovic, Erling Haaland, Leo Messi, Luis Muriel dhe Rafa Mir shënuan nga katër gola në kampionat. 

(Kosova Sot Online)