Man Utd e befason Juventusin me çmimin për Pogban

  • A.P /
  • 20 qershor 2021 - 13:44
Man Utd e befason Juventusin me çmimin për Pogban

Manchester United thuhet se ka vendosur çmimin prej 80 milionë eurove për reprezentuesin e Francës, Paul Pogban, mes interesit nga Juventus.

Il Corriere dello Sport raporton se “Djajtë e Kuq” kanë vendosur një çmim të lartë për mesfushorin e Francës, pavarësisht kontratës së tij që skadon në qershorin e vitit të ardhshëm.

Gazeta raporton se United po kërkon të paktën 80 milionë euro për të shitur super yllin, një shifër që “Zonja e Vjetër” nuk do të jetë në gjendje ta ofrojë në rrethanat aktuale.

Juventus ka qenë i lidhur me Pogban, por raporti thekson se mënyra e vetme që mesfushori mund të kthehet në Torino do të ishte nëse kapiteni i Portugalisë, Cristiano Ronaldo lëviz në drejtim të kundërt.

Pogba, i cili mbushi 28 vjeç në maj, kaloi katër vjet në Torino midis 2012 dhe 2016, ku mori katër Scudetti dhe dy Coppa Italia.

Gazeta thekson një marrëveshje të mundshme shkëmbimi me United midis Ronaldos dhe Pogbas, pasi e ardhmja e ish yjeve të Real Madridit në Allianz Stadium është e pasigurt.

(Kosova Sot Online)