Lexoni edhe:
Zemërohen gjermanët: Gjermanisë i ndalohet të stërvitë në Wembley para ndeshjes me Anglinë
Ekuadori ia ndërpreu Brazilit një ecuri prej 10 fitoreve radhazi duke e ndalur me një barazim 1:1 të dielën mbrëma në Goiania. Kjo pikë i mjaftoi Ekuadorit për ta arritur çerekfinalen në Kupën e Amerikës, ndërkohë nikoqiri Brazili e kishte siguruar një vend në mesin e tetë më të mirëve paraprakisht.
Eder Militao e kishte kaluar Brazilin në epërsi pas një harkimi nga këndi të Everton Soares. Ky ishte goli i parë i mbrojtësit të Real Madridit për kombëtaren. Por Angel Mena e barazoi rezultatin pasi devijimit të Enner Valencias dhe e dërgoi Ekuadorin në çerekfinale. Brazili – i cili e kishte fituar çdo ndeshje prej nëntorit 2019 – dhe Ekuadori duhet të presin derisa të përfundojnë ndeshjet në Grupin A për të mësuar se kush do të jenë kundërshtarët e tyre në çerekfinale.
Vetëm dy nga 10 ekipet në të dy grupet bien nga Kupa e Amerikës në fazën grupore.
Të martën në mëngjes, sipas kohës sonë lokale, Bolivia përballet me Argjentinën dhe Uruguai me Paraguain.
(Kosova Sot Online )