Lexoni edhe:
Lajmi i fundit: Enver Hoxhaj tërhiqet nga Kryesia e PDK’së
Barcelona ende nuk mund t’i regjistrojë Agueron, Depayn dhe Garcian
Barcelona ndodhet në vështirë financiare. Largimi i Leo Messit ka shkaktuar zemërim të madh te tifozët, teksa klubi katalanas rrezikon edhe regjistrimin e afrimeve në merkato.
Emra si Sergio Aguero, Memphis Depay, Eric Garcia dhe Emerson Royal janë përforcimet e presidentit Joan Laporta deri në këto momente.
Situata në klubin spanjoll është e rëndë. Gazetari Alfredo Martinez shkruan se sulmuesit Aguero dhe Depay nuk janë regjistruar akoma në LaLiga.
Pavarësisht se kanë kaluar më shumë se dy muaj nga firmat e Agueros dhe Depay, ata ende nuk kanë të drejtë të luajnë në garat zyrtare, teksa sezoni i ri në Spanjë fillon për dhjetë ditë.
Klubi spanjoll nuk po ia del të zgjidhë pengesat financiare, pasi fatura e pagave është ende shumë më e lartë se sa e parashikon rregullorja e “fair-play” financiar.
Laporta duhet të shesë lojtarë dhe të bindë lojtarët të reduktojnë rrogat e tyre faraonike, përndryshe afrimet në merkato nuk mund të zbresin në fushë.
(Kosova Sot Online )
