Cili ka shpenzuar më shumë, Mourinho apo Guardiola?

Të dy trajnerët e njohur vazhdojnë të jenë në garë, jo vetëm në futboll por edhe në blerje të shtrenjta

Jose Mourinho dhe Pep Guardiola janë në betejë për të fituar trofe për pothuajse një dekadë. Pavarësisht distancës në mes të tyre, ende ka një luftë që zhvillohet në mes të tyre në atë se kush ka shpenzuar më shumë në blerjen e lojtarëve – dhe kush ka shpenzuar me mençur.

Dyshja kishin një rivalitet të madh që ekzistonte edhe në nivel klubesh prej vitit 2010 deri më 2012, kur Mourinho ishte në krye të Real Madridit kurse Guardiola në krye të Barcelonës. Çdo El Clasico ishte një ngjarje në vetvete, me tensione që ngriheshin para se të fillonte dhe liga e Spanjës ishte atraktive për të gjithë.

Pa llogaritur përballjet kokë me kokë, tifozët tani shikojnë që t’i krahasojnë këta edhe në fushën e transferove. E në këtë aspekt ka një shifër tepër të madhe.

Sa ka harxhuar për transfere Mourinho gjatë karrierës?

Mourinho – gjatë kësaj kohe ka drejtuar tetë klube – ka shpenzuar 1 miliard e 684 milionë euro për transfere deri në këtë datë në karrierën e tij. Më se shumti ka shpenzuar sa ishte në Chelsea, ku ka bërë blerje në vlerën e 766 milionë eurove.

Ai po ashtu ka shpenzuar shuma të mëdha për transfere në Manchester United ku vetëm për Romelu Lukaku ka shpenzuar 85 milionë euro kurse për Paul Pogba 105 milionë euro.

Kjo nuk e ka ndaluar Mourinhon që të jetë kontrovers herë pas herë kur është puna të transferët.

“Në Tottenham ne besojmë në Fer Playin Financiar”, kishte thënë ai më 2020 derisa ishte në drejtim të klubit nga Londra Veriore.

“Për është arsyeja pse ne besojmë që Messi mund të shkojë në klub që nuk i respekton këto rregulla”.

(Kosova Sot Online)