Pamje skandaloze: Ylli i Interit Arturo Vidal i dehur sa që nuk mund as të futet në veturë

Mesfushori i Interit dhe Kilit, Arturo Vidal, është bërë për gaz në rrjetet sociale, pasi u xhirua duke mos ia dalë të futet brenda në veturë i dehur keq.

Sipas mediave italiane, videoja ishte xhiruar më 18 gusht, vetëm tri ditë para ndeshjes hapëse të Interit në Serie A kundër Genoas. Nuk është e qartë pse videoja është shpërndarë vetëm tani, dy muaj më vonë.

Vidal u xhirua nga disa gra prej ballkonit të tyre derisa po përpiqej të futej në veturën e tij të parkuar buzë rrugës.

Lexoni edhe:

Tyson Fury i dërgon mesazh tronditës Anthony Joshuas

Pasi bëri fotografi me disa tifozë, Vidal u përpoq të futej në veturë por dështoi dhe përfundoi mbi të me këmbë në ajër.

Me ndihmën e të tjerëve, ai u fut disi në ulësen e pasagjerit.

Gratë që e xhiruan mund të dëgjohen në video duke qeshur dhe duke thënë: “Ai nuk mund të rrijë as në këmbët e veta”.

Vidal nuk e ka fshehur kurrë dëshirën e madhe për ahengje të natës dhe nuk është hera e parë që bëhet tapë.

Sipas Gazzetta dello Sport, Interi ishte në dijeni për incidentit dhe e ka diskutuar atë me kilianin tashmë.

(Kosova Sot Online  )