Punë e vështirë për Shqipërinë sonte
Kuqezinjtë do ta vizitojnë sonte liderin e grupit, Anglia, në kualifikimet e Botërorit 2022, do ta kërkojnë mrekullinë në ishull
Kombëtarja shqiptare do të zbresë sonte në fushë për ta zhvilluar ndeshjen e parafundit në kualifikimet e Botërorit 2022.
Kuqezinjtë do të kenë punë mjaft të vështirë teksa e vizitojnë Anglinë në ndeshjen e vlefshme për Grupin I.
Aktualisht, Anglia është lidere e grupit me 20 pikë, kurse Shqipëria e treta me pesë pikë më pak,
“Tre Luanët” me një fitore eventuale do ta siguronin kualifikimin në Botërorin e Katarit.
Kurse, ekipi i Edy Rejas duhet ta fitojë këtë takim dhe të shpresojë në ndonjë gabim eventual të Polonisë, e cila është e dyta.
Pra, për Shqipërinë gjasat janë minimale për të bërë diçka në dy ndeshjet e fundit.
Mirëpo, Armando Broja me shokë janë zotuar se nuk do të dorëzohen deri në fund, derisa kanë gjasa matematikisht.
Duelin e parë në mes të këtyre dy Kombëtareve në muajin mars e kishte fituar Anglia me rezultat 2:0
Dueli ndërmjet Anglisë dhe Shqipërisë do të fillojë në orën 20:45.
Shqiponjat do ta mbyllin kampanjën kualifikuese më 15 nëntor me ndeshjen ndaj Andorrës në shtëpi.
(Kosova Sot Online)