Lexoni edhe:
Xavi pas eliminimit të turpshëm nga Champions: “Do ta kthejmë Barcelonën në vendin që e meriton”
Conte, pas 13 rasteve pozitive me COVID-19 në Tottenham: “Jemi shumë të frikësuar me situatën e krijuar”
Pandemia ka goditur rëndë Tottenham. 13 persona të klubit anglez kanë rezultuar pozitivë, me shumicën prej tyre që janë futbollistë të Antonio Contes.
Një gjë e tillë ndikoi që UEFA të shtynte sfidën e sotme në Conference League mes Tottenham dhe Rennes.
Trajneri Conte ka folur në lidhje me situatën e vështirë në klub, duke mos e fshehur shqetësimin e tij të madh.
“Shtatë lojtarë janë pozitivë, të tjerët janë pjesëtarë të stafit teknik. Problemi është se çdo ditë zbulojmë raste të reja me koronavirus. Kush do e ketë radhën nesër? Ndoshta do të dal unë pozitiv, apo ndonjë tjetër lojtar? Jemi të shqetësuar, pasi të gjithë kemi familje.“Jemi realisht shumë të frikësuar në lidhje me situatën e krijuar”.”, tha Conte.
(Kosova Sot Online )
