Pamje: Mohamed Salahu i fiton zemrat e shumë tifozëve me gjestin ndaj Hakimit

31 January 2022 - 10:52

Kapiteni i Egjiptit, Mohamed Salah, është lartësuar nga tifozët pasi e ngushëlloi Achraf Hakimin në përfundim të çerekfinales së Kupës së Kombeve të Afrikës të dielën. Sulmuesi i Liverpoolit Salah u pa duke biseduar me mbrojtësin anësor të PSG-së, pasi faraonët e mposhtën 2:1 Marokun për një vend në gjysmëfinale të kësaj gare. Sofiane Boufal e kaloi Marokun në epërsi herët në ndeshje përmes penalltisë, pasi Ayman Ashrafe kishte faulluar Achraf Hakimin në zonë.

Lexoni edhe:

Icardi dhe Wanda drejt ndarjes, pas një krize të re martesore

Por Salah e barazoi rezultatin për Egjiptin duke e futur topin në rrjetë nga afërsia pas një topit të kthyer gjatë një rivënieje nga këndi. Ylli i Liverpoolit më pas e gjeti sulmuesin Trezeguet, i cili e shënoi golin e triumfit. Egjipti do të përballet me Kamerunin në gjysmëfinalen e së enjtes. Hakimi ishte i pikëlluar pas eliminimit të Marokut dhe Salahu në vend se të festonte shkoi për ta ngushëlluar atë.Kjo ka bërë që tifozët në rrjetet sociale ta lavdërojnë yllin egjiptian.