Klubi i madh anglez e dëshiron Coutinhon

Aston Villa do të ketë përparësi ta blejë Coutinhon, por Arsenali tashmë ka qenë i interesuar për sulmuesin me shpresën se klubi nga Birmingham nuk mund ta ushtrojë blerjen për ta nënshkruar atë.

Paraqitjet e Coutinhos nuk kanë kaluar pa u vënë re në Premier, ku ai është një lojtar shumë i vlerësuar. Pavarësisht gjithçkaje, klubet e mëdha angleze nuk donin të rrezikonin në janar për të nënshkruar me të duke pasur parasysh performancën e tij të dobët dhe pagën e tij të lartë.

Por, Aston Villa mori përsipër këtë rrezik, ndërsa trajneri i tyre, Steven Gerrard, nuk kishte dyshime dhe u shpërblye, shkruan Gazeta Express.

Tani e tutje, Aston Villa ka një opsion blerjeje prej 40 milionë eurosh, megjithëse do të duhet të shihet nëse mund të përballet me të gjithë operacionin pasi Coutinho ka një pagë shumë të lartë. 

Gerrard tashmë i ka komunikuar klubit të tij se duhet ta blejnë atë në maj dhe është në shqyrtim e sipër. 

Ndërkohë, Arsenali ka qenë i interesuar dhe po pret se si po rrjedhin gjërat me Aston Villën.

E qartë është se Barça nuk ka ndërmend të ulë asnjë euro nga shitja e brazilianit. 

(Kosova Sot Online)