Lëndohet Messi, por nuk dihet sa do të mungojë

Superylli argjentinas nuk do të jetë i disponueshëm në ndeshjen e ardshme të PSG kundër Angers, në Stade Raymond Kopa.

Lionel Messi do të humbas ndeshjen e mundshme të Paris Saint-Germain, ndeshje kjo e  cila pritet t’i sjell titullin këtyre, e që është kundër Angers, për shkak të një dëmtimi në thembër.

PSG bëri një hap të madh drejt rikthimit të titullit në Ligue 1 duke mundur Marseille 2-1 në Le Classique të dielën, me Neymar dhe Kylian Mbappe që shënuan golat për skuadrën e Mauricio Pochettino.

Messi kishte dy gola të cilat ishin off-side gjatë asaj ndeshjeje, dhe tani ka marrë një goditje që do ta mbajë atë jashtë daljes së radhës të PSG-së në Stade Raymond Kopa – ku ata mund të fitojnë trofeun me pesë ndeshje të mbetura.

Liderët e Ligue 1 do të kurorëzohen kampionë nëse mposhtin Angers të mërkurën mbrëma dhe Marseille humbet në shtëpi ndaj Nantes.

Messi do të ndjekë ndeshjen vetëm si spektator, me një deklaratë në faqen e PSG-së që konfirmon se ai ka pësuar dëmtim të tendinit.

Në deklaratë thuhet: “Lionel Messi po trajtohet për një inflamacion në tendinën e tij të majtë të Akilit. Ai do të shikohet sërish pas 48 orësh”.

Pochettino ka zbuluar gjithashtu se Marco Verratti dhe Presnel Kimpembe do të humbasin udhëtimin te Angers për shkak të lëndimit, ndërsa Neymar do të vuajë një pezullim.

“Disa lojtarë si Leo Messi, Marco Verratti dhe Presnel Kimpembe do të mungojnë nesër sepse janë ende duke u trajtuar. Neymar Jr do të pezullohet,” tha argjentinasi në konferencën e tij për shtyp para ndeshjes.

“Kjo do të jetë një mundësi që lojtarët që nuk luajnë shumë të kenë kohë për të luajtur dhe kjo do t’u mundësojë lojtarëve të rinj të fitojnë përvojë”.

34-vjeçari mund të marrë akoma më shumë kohë jashtë fushës nëse vlerësimi i tij në mesjavë nuk jep rezultate pozitive, me PSG që do të luajë si mikpritës ndaj Lens më 23 prill.

Parisienët më pas do ta mbyllin fushatën e tyre me ndeshjet kundër Strasburgut, Troyes, Montpellier dhe Metz-it, dhe Messi pa dyshim do të jetë i etur për t’u rikthyer shpejt në mënyrë që të mund të përpiqet t’i shtojë sasisë së tij modeste prej tre golave ​​në 21 daljet brenda vendit.

(Kosova Sot Online)