Arsenali siguron shërbimet e Marquinhos
Arsenali ka siguruar shërbimet e sulmuesit të ri brazilian, Marquinhos.
“Goal” ka raportuar këtë të premte se 19-vjeçari ka udhëtuar drejt Londrës për të përmbyllur marrëveshjen.
Arsenali thuhet se do të paguajë 3 milionë funte për anëtarin e Sao Paulos.
Për transferimin e Marquinhos, “Topçinjtë” kanë qenë në bisedime me klubin brazilian në dy javët e fundit.
Marrëveshja dhe gjithçka tjetër është arritur, derisa tani pritet vetëm edhe njoftimi zyrtar nga klubi londinez.
Marquinhos luan në pozitën e sulmuesit të krahut të djathtë.
(Kosova Sot Online)
